• -

  • 08 Jul, 2021

სელია აჰავას წიგნის „ციდან ჩამოვარდნილი საგნები“ ონლაინ პრეზენტაცია

📚 გამომცემლობა "აგორა" გიწვევთ სელია აჰავას წიგნის ციდან ჩამოვარდნილი საგნებიონლაინ პრეზენტაციაზე!

 

სელია აჰავა თანამედროვე ფინელი მწერალია. ჰელსინკის თეატრალური აკადემიის კურსდამთავრებული, ის მხატვრული ლიტერატურის გარდა ასევე აქტიურადაა ჩართული კინემატოგრაფიის ინდუსტრიაშიც და წერს სცენარებს, რადიოპიესებს. მისი ტექსტები აგრეთვე ახლავს ალბომებსა და ხელოვნების პერფორმანსებს.

 

📖 რომანმა „ციდან ჩამოვარდნილი საგნები2016 წელს ევროკავშირის ლიტერატურული პრემია მიიღო. მასში პატარა გოგონა სარა გვიყვება სკანდინავიური ცხოვრების ამბებს. ზოგი მხიარულია, მაგალითად, თუ როგორ მოიგო ანუ-მამიდამ ლატარიაში უზარმაზარი თანხა, რომელიც „სახლში ვერ მოიტანა და პირდაპირ ბანკში წაიღეს.“ ზოგიც სევდიანი, მაგრამ დამაფიქრებელი და მაინც იმედისმომცემი.

 

📢 შეხვედრის სტუმრები იქნებიან მწერალი სელია აჰავა და ფინურიდან ამ წიგნის მთარგმნელი დიმიტრი გოგოლაშვილი. შესაბამისად, მონაწილეებს ექნებათ უნიკალური შესაძლებლობა გაესაუბრონ ამ ნაწარმოების შემქმნელებს.

 

📌 შეხვედრა გაიმართება ძირითადად ინგლისურ ენაზე. თუმცა, შესაძლებელი იქნება ავტორისათვის კითხვის დასმა ქართულადაც.

 

📌 შეხვედრის თარიღი და დრო: 13 ივლისი (სამშაბათი), 17.00 საათი. გთხოვთ, ისარგებლოთ შემდეგი zoom ბმულით:

 

https://us02web.zoom.us/j/81116504921?pwd=dFFwdU5rbUkwL3pVektWMVVVV2NjQT09

🔖 წიგნის თარგმანი შესრულდა პროექტის "მოგზაურობა ლიტერატურულ ევროპაში" ფარგლებში. პროექტი ხორციელდება ევროკომისიის პროგრამის "კრეატიული ევროპა" ფინანსური მხარდაჭერით.

 

 

შემოგვიერთდით!