თამაზ ლეჟავა
- 1933-2009
თამაზ ლეჟავა ერთ-ერთი საკვანძო ფიგურაა საქართველოში ელექტროქიმიის სფეროში — როგორც მეცნიერ-სპეციალისტი, მასწავლებელი და მრავალი ინოვაციური პროექტის ავტორი. მთელი პროფესიული ცხოვრება გაატარა საქართველოს მეცნიერებათა აკადემიის არაორგანული ქიმიისა და ელექტროქიმიის ინსტიტუტში, სადაც ბოლოს დირექტორის მოადგილის პოსტი ეკავა. გამოქვეყნებული აქვს 130-ზე მეტი სამეცნიერო ნაშრომი, 20-მდე პატენტი და საავტორო მოწმობა. მონაწილეობდა ელექტროქიმიისადმი მიძღვნილ საერთაშორისო კონფერენციებსა და ფორუმებში, ეწეოდა პედაგოგიურ საქმიანობას უმაღლეს სასწავლებლებში, იყო საქართველოს საინჟინრო აკადემიის აკადემიკო-მდივანი და პრეზიდიუმის წევრი. მას დიდი წვლილი მიუძღვის საქართველოში ელექტროქიმიური წარმოების განვითარებაში. მიღებული აქვს პეტრე მელიქიშვილის პრემია.
