„ძენოს თვითშემეცნება“ - იტალიელი მწერლის, იტალო ზვევოს ფსიქოლოგიური რომანია, რომელიც მთავარი პერსონაჟის, ძენო კოზინის შინაგან სამყაროსა და მის წინააღმდეგობებით სავსე ცხოვრებას გვაცნობს. ნაწარმოები წარმოდგენილია ავტობიოგრაფიული ჩანაწერების სახით, რომლებშიც ძენო საკუთარ ბავშვობას, სიყვარულს, ქორწინებას, ოჯახურ ურთიერთობებსა და მავნე ჩვევებს იხსენებს. ირონიითა და თვითანალიზით იგი ცდილობს საკუთარი ქცევებისა და გადაწყვეტილებების გააზრებას. რომანის მთავარი თემებია ადამიანის ფსიქოლოგია, თვითშემეცნება, მეხსიერება, თვითმოტყუება და ადამიანის შინაგანი წინააღმდეგობები.